Måndag i 09.30-tida hadde politiet fartskontroll på Byvegen ved kryss med Industrivegen.

Det blei skrive berre eitt forenkla førelegg.

– Vedkomande køyrde i 69 km/t i 60-sona, opplyser politioverbetjent Anne Lyssand.

Det fører til eit førelegg på 3250 kroner, men ingen prikkar på førarkortet.

Tidlegare på dagen, klokka 08.06, kom det melding om MC-uhell på E39 ved Svegatjørn.

– Motorsykkelen skal ha sklidd i ein sving på påkøyringsrampen i nordgåande retning, på sørsida av Skogafjellstunnelen.

Førar er ei kvinne i tenåra med adresse utanfor Bjørnafjorden kommune.

– Ho sa ho kjente smerter i skulder og hofte, men framsto elles som uskadd.

Det var våt vegbane då uhellet skjedde. Førar bles til 0,0 promille og vart dimittert på staden etter sjekk av ambulanse.