Lokalt politi deler at dei det siste døgnet mellom anna har brukt ressursar på politiaksjonen på Nore Neset, som starta med mistanke om avfyrte skot, og enda med stadfesting av avfyrt fyrverkeri.

I tillegg har dei hatt eitt anna oppdrag som dei kan fortelje om.

– Natt til onsdag fekk vi melding om høg musikk som heldt naboar vakne på ei adresse like nord for sentrum, seier politioverbetjent Atle Birkeland ved Bjørnafjorden politistasjon.

Her slapp politiet å rykke ut.

– Operasjonssentralen vår fekk kontakt med vedkommande, og det blei tilsynelatande stille etter dette, seier Birkeland.