Statens vegvesen har i dag vore på Svegatjørn kontrollplass ved E39 igjen.

Der sjekka dei 24 tunge og 2 lette køyretøy.

– Vi sjekka nokre varebilar, dei hadde alt i orden, seier John Kåre Larsen.

Men ein av dei tunge skilte seg ut.

– Ein semitrailer måtte sikra lasta si betre. Det blei også gitt ein teknisk mangel på grunn av lakkert radar i front av køyretøyet. Lakkering kan påverka funksjon.

Same køyretøyet fekk også bruksforbod på grunn av gardin i frontruta.

– Denne dekka dødvinkel og spegel.

Vegvesenet gav seg ikkje der.

– Det blei gitt bruksforbod grunna metallpiggar på alle hjulboltar på foraksel. Desse kan mellom anna skada mjuke trafikantar.

Dagen var likevel ikkje øydelagt for sjåføren.

– Alle bruksforboda blei reparerte eller fjerna på staden.