Loading
Få vekas høgdepunkt rett i innboksen:
Var rask med å selja ekstrabillettane – og med å booka erstattar då ein fredagsartist brått blei sjuk.
Før konsertstart i Homrahølo torsdag blei resten av festivalen utselt.
Fredagen er for lengst utselt, dei siste av dei 200 ekstrabillettane til laurdag gjekk ut frå TicketCo i 18-tida i går.
– Det blir ikkje lagt ut fleire billettar no, seier Ivar Bøthun.
Øyafest held fram med familiedag i dag. Også den er gratis, det same er det nye innslaget, konsert i bedehuset, med Berit Håpoldøy.
I kveld skal Vidar Villa spela i festivalteltet på Sundøy Arena. Han får likevel ikkje med seg Jonas Lovv, då han har blitt sjuk.
Som erstattar har Bøthun, mens dei pakka i bilen i går, booka inn supportbandet til Elida Waage, Seagulls, til nok ein kveld i Øyane.
Dei spelte før Eva Weel Skram i Homrahølo i går – for rekordstort publikum. 1447 kom på gratiskonserten.
