Os Rock City er ein ny musikkpodkast av Midtsiden frå mars 2026. Her kan du bli betre kjent med lokale musikarar i ulike sjangrar, få morosame tilbakeblikk og informasjon om aktuelle produksjonar og planar.

Programleiar: Ørjan Håland, i dag med Olav Skorpen som høgre hand.

Episode 2: Frå Gaffeltruckers til Audrey Horne

Dagens gjest: Torkjell «Toschie» Rød

Torkjell «Toschie» Rød (fødd i 1971) er vokalist og frontfigur i Audrey Horne, som vann Spellemannpris for debutalbumet sitt i 2005 og varma opp for AC/DC på utselt Valle Hovin i 2010.

I juni i år delar dei scene med Alice Cooper og Iron Maiden under Tons of Rock – i denne episoden kjem Torkjell med eksklusiv informasjon om ny musikk – og eit skjebnesvangert bandskifte ein gong på 1990-talet.

Programleiar Håland har i dag med seg sidekick Olav Skorpen (fødd i 1972).

Bassist Skorpen har lang fartstid som musikar i Os og bergensområdet, blant anna med Bjørn Hellfuck.

Dette blir neppe siste gong Olav deltar som ekspertkommentator og gjesteprogramleiar.

• Episoden er allereie lasta opp som lyd på Spotify og andre stadar der du lyttar til podkast.
• Os Rock City vil koma med minst éin ny episode i månaden. Neste episode kjem etter påske, då med urframføring av ein poplåt og prat om ein lokal musikkfestival.

Har du spørsmål eller innspel til denne podkasten? Kontakt programleiar på orjan@midtsiden.no.