Palle i veg og båt på veg ned
Både brannvesen og vegtrafikksentral fekk seg ei utrykning i går.
Tysdag formiddag, litt før klokka 09.10, fekk politiet melding om at det låg del av ei palle midt i køyrebanen på Byvegen.
– Dette var på Byvegen, i den store svingen langs Hetleflåtvatnet, opplyser politioverbetjent Anne Lyssand.
Vegtrafikksentralen overtok oppdraget.
På kvelden, i 19.20-tida, kom det melding om ein båt i Askvik som heldt på å gå ned grunna inntak av vatn.
– Båten er rundt 19 fot, ein open båt, og låg til kai. Brannvesenet tok oppdraget.
