Laurdag klokka 20.17 rykte Bjørnafjorden brann og redning ut på melding om pipebrann i Lysefjorden.

Det var folk heime på adressa, som er nær krysset mellom Lyseklostervegen og Sperrevikvegen, og dei fekk sjølv stengt trekket på omnen.

– Det er ingen røyk i huset, opplyste 110-sentralen.

Klokka 21.09 var brannen sløkt og sot fjerna.

– Dei er i ferd med å avslutta på staden, men vi skal nok ut igjen med feiar seinare, truleg på måndag, for å gå over skorsteinen meir grundig, seier varabrannsjef Erik Walden til Midtsiden.

– Kan dei bu i huset gjennom helga?

– Eg er ikkje sjølv på staden, men det vil eg tru ut frå informasjonen som har kome til no.