Ifølge politioverbetjent Knut Magnus Fjeld blei barnet, som er i 10-årsalderen, spurt om han ville komme inn i bilen. Mennene skal ha sagt at han skulle få snop.

Sjølve lokkeforsøket skal ha skjedd rundt klokka 17.10.

– Politiet har kontakta meldaren for meir informasjon, opplyser Fjeld.

Han stadfestar at politiet no held utkikk etter køyretøy og personar som passer skildringa i nærområdet.

Dei to mennene blir skildra som lyse i huda, og skal ha snakka norsk. Dei hadde truleg mørkt hår, og den eine skal ha hatt på seg ein blå overdel.

– Bilen dei køyrde er ein nyare, kvit personbil.

Politiet ber folk om å ta kontakt viss dei ser ein bil eller personar som passer skildringa, eller om dei har andre tips i saka.