Smievågen er eit populært friuftsområde med lett tilkomst for alle aldrar.

Bergen og Omland friluftsråd, som har ansvar for å halda området triveleg, fekk ei trasig melding tysdag morgon.

– Nokon har dumpa hagemøblane sine i området, fortel friluftskonsulent Jannecke Eeg Olsen.

Olsen fortel at det generelt er ei utfordring at folk dumpar ting på friluftsområde, men på sommaren så aukar trenden.

– Vi opplever at folk sett frå seg alt mogleg, både på området og der vi har konteinarar.

Ikkje uvanleg

Olsen fortel at det dessverre er vanleg å finna dumpa gjenstandar, og at dei sjeldan blir overraska når slike meldingar kjem inn.

– Dette er første gong eg har høyrd om hagemøblar, men eg har vore med å funne kjøkken, sofaer, madrasser og bildekk.

Ho håpar at dei som har sett frå seg hagemøblane sine vil henta dei.

– I staden for å bruka tid på å køyra det ned til friluftsområde, så vil eg tru det er mindre jobb å køyra til miljøstasjonar.