Lysøens Venner, som blant anna jobbar med vedlikehald og aktivitetar på Lysøen, har tidlegare arrangert konsertar for publikum i båt i Lysevågen.

Søndag er det ny gratiskonsert, men denne gong går publikum i land.

– Også denne konserten er gratis for publikum, men dei treng billett til båten, og den kan kjøpast på førehand, seier Berit Høgheim.

Konserten blir spelt utanfor Gamletunet, som tidlegare i år har blitt pussa opp av dugnadsgjengen i veneforeininga.

På scenen står Nils Økland og Sigbjørn Apeland, under telt.

Nils Økland speler fiolin og hardingfele, Sigbjørn Apeland speler trøorgel.

På programmet står folketonar og slåtter av Ole Bull og Edvard Grieg, saman med eigne komposisjonar og improvisasjonar.